Блинкен треба да се сретне со премиерот Бенјамин Нетанјаху и со воениот кабинет на Израел, соопшти Стејт департментот.
Се очекува највисокиот американски дипломат да изврши нов притисок врз Израел со цел одвраќање од офанзивата на Рафа и да укаже на итната потреба да се достави поголема хуманитарна помош за населението во Појасот Газа.
„Нашиот став, кој е многу јасен, е дека голема воена операција во Рафа би била грешка, нешто што ние не го поддржуваме“, рече Блинкен во четвртокот, пренесе Си-ен-ен.
Ова е шеста посета на Блинкен во регионот на Блискиот Исток од почетокот на војната во Појасот Газа, а се одвива паралелно со преговорите што се водат во Катар за пауза во борбите во Газа и ослободување на заложниците.
