Џорџ Расел се радуваше на победа во Спа откако се реши за стратегија со едно застанување во боксот, но два ипол часа по трката, славјето се претвори во големо разочарување.
Возачот на Мерцедес беше дисквалификуван бидејќи неговиот болид беше за 1,5 килограми полесен од пропишната тежина.
Причината за ова е бизарна, како што пренесуваат добро упатените во случувањата во Формула 1, одлуката за стратегија со едно застанување во бокс придонела гумите на болидот на Џорџ Расел да бидат прилично деградирани, а со тоа и да тежат помалку.
Исто така, поради должината на Спа, не се вози победнички круг, кој на останатите трки во календарот е нормална појава, и возачите го користат за да „залепат“ што е можно повеќе остатоци од гуми за на мерењата да го задоволат пропишаниот минимум.
Од таборот на Мерцедес потврдија дека била нивна грешка што не процениле добро, додека пак Џорџ Расел истакна дека му е скршено срцето.
„Болидот тежеше 1,5 килограми под пропишаната тежина и сум дисквалификуван. Оставив се на патеката и горд сум што прв минав низ целта. Ќе има уште многу успеси до крајот на сезоната“ – напиша Џорџ Расел на социјалните мрежи.
Heartbreaking… We came in 1.5kg underweight and have been disqualified from the race.
We left it all on the track today and I take pride in crossing the line first.
There will be more to come.🏆💙 pic.twitter.com/6RfucAqPyF
— George Russell (@GeorgeRussell63) July 28, 2024