„Со оглед на изнесените наводи во конкретниот случај, Управата за финансиска полиција како орган надлежен за откривање на евентуални кривични дела и контрола на финансиските текови има надлежност да ги испита сите околности и да достави соодветно известување или пријава. Доколку Финансиската полиција не постапи, обвинителството ќе оформи предмет и ќе нареди да се извршат сите проверки“, одговорија од обвинителството.
Градоначалничката на Скопје, Данела Арсовска, тврди дека на скопскиот плоштад има поставено шест елки ѝ го обвини својот претходник Петре Шилегов дека трошел по 300.000 евра.
Ексградоначалникот на Скопје Шилего, пак и порача дека треба да си оди и да поднесе оставка. Елката на плоштадот во Скопје деновиве е мета на шеги и потсмев не само на социјалните мрежи, туку и во медиумите надвор од државава кои ја нарекоа „несреќната елка“.
