Окружниот суд во Осло ја отфрли тужбата на Брејвик во февруари, а Апелациониот суд сега го врати неговиот случај на понизок суд на повторно разгледување.
Засега не се знае кога ќе се одржи ново судење за тужбата на Брејвик.
Во јануари, 45-годишниот Брејвик ја тужеше државата Норвешка за наводно кршење на неговите човекови права затоа што во затворот се наоѓа во изолација и затоа што му е ограничена кореспонденцијата.
Неговите адвокати тврдеа дека Норвешка ја прекршува Европската конвенција за човекови права.
Во 2011 година, Брејвик најпрво активираше автомобил-бомба во близина на кабинетот на премиерот во Осло, при што загинаа осум лица, а потоа со автомобил отиде на островот Утоја каде уби 69 луѓе во младинскиот камп на Лабуристичката партија.
Тој беше прогласен за виновен за тероризам во 2012 година и осуден на максимална казна во Норвешка – 21 година затвор, која може да биде продолжена на неодредено време.