Од брзите возачи 15 возеле со брзина над 50 километри на час повеќе од дозволеното, а тројца со над 70 километри на час повеќе од дозволенота брзина. Притоа, 170 возачи ја пречекориле брзината во населено место, а 133 надвор од населено место.
Во Скопје покрај 40 казни за брзо возење казнети се уште 149 лица за сообраќајни прекршоци меѓу кои 10 за возење без возачка дозвола, 12 за прекршоци што ги прават возачите на мотоцикл, изречени се 21 санкција за користење на мобилен телефон при управување возило, осум мерки за поминување на црвено светло, четири мерки за некористење на сигурносен појас, како и казни за други прекршоци.
Во акциска контрола на територијата на Македонија за санкционирање на прекршоци што ги прават возачите на мотоцикли, казнети се 235 возачи. Од нив, 140 возачи не користеле заштитна кацига за време на возење, 48 возеле без возачка дозвола, два мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци.
Само на територијата на СВР Битола казнети се 34 мотоциклисти, од нив, 19 не користеле заштитна кацига за време на возење, 10 возеле без возачка дозвола, а три моторцикли биле нерегистрирани.
Сообраќајните контроли продолжуваат и во наредните денови, предупредуваат од МВР и апелираат до сите учесници во сообраќајот да ги почитуваат сообраќајните правила и прописи.
