„За време на средбата со претседателот на Србија, Александар Вучиќ, разговарав за безбедносните прашања и развојот на билатералните односи. Благодарен сум ѝ на Србија за учеството на првиот Глобален мировен самит и потпишувањето на Заедничката декларација. Ја цениме финансиската и хуманитарната помош на нашата земја“, напиша Зеленски на Икс.
During the meeting with Serbia’s President Aleksandar Vučić @avucic, we discussed security issues and bilateral relations development.
I am grateful for Serbia’s participation in the first Global Peace Summit and its endorsement of the Joint Communiqué.
We appreciate the… pic.twitter.com/ctQlg8ee65
— Volodymyr Zelenskyy / Володимир Зеленський (@ZelenskyyUa) July 18, 2024
Вучиќ на Инстаграм објави дека имал „добра средба“ со украинскиот лидер. „Добра средба со претседателот Зеленски за сите предизвици и важни прашања, како за Србија и Украина, така и за Европа и светот“, рече тој.
„Ја истакнав важноста на враќањето на мирот и стабилноста на целиот наш континент и повторив дека тоа може да се постигне само преку дијалог и политички решенија“, додаде тој.
Зеленски и Вучиќ претходно се сретнаа во февруари годинава во Тирана за време на самитот Украина-Југоисточна Европа. Украинска правда пишува дека Белград е традиционален руски сојузник на Балканот, што придонесува за тензиите меѓу Србија и Украина.
Потсетуваат дека Србија одбила да прифати европски санкции против Русија, но и дека според неофицијални информации преку посредници им испраќа оружје на украинските сили.
