Зеленски прв пат прогласи вонредна состојба и општа мобилизација на 24 февруари 2022 година, кога Русија ја почна својата инвазија во Украина. Мерката од тогаш е повеќе пати продолжувана.
Украинскиот парламент претходно ја продолжи вонредната состојба и мобилизацијата од ноември 2023 до 14 февруари 2024, а со прифаќањето на предлогот на Зеленски мерките би се продолжиле до 14 мај. Ова ќе биде десетто изјаснување на парламентот за вонредната состојба од почетокот на војната, а датумот на гласањето сè уште не се знае.
Во условите на вонредната состојба, украинските мажи на возраст од 18 до 60 години, со одделни исклучоци, не смеат да ја напуштат земјата.