Украинскиот претседател Володимир Зеленски нареди денеска да се зајакне безбедноста на границата со Белорусија поради пристигнувањето на борците од паравоената група Вагнер во земјата.
„Со одлука на Генералштабот, на врховниот командант Залужни и на генералот Најев ѝм беше наредено да ја зајакнат границата со цел да се обезбеди мир“, изјави Зеленски во видеото објавено на Телеграм.
Тој изјави дека денеска украински и странски разузнавачки служби, како и граничари, го информирале за ситуацијата во Белорусија.
По неуспешниот бунт во Русија пред една недела, шефот на руската паравоена група Вагнер, Јевгениј Пригожин се согласи да замине во егзил во Белорусија благодарение на посредувањето на белорускиот претседател Александар Лукашенко, сојузникот на Москва.
По посредувањето на белорускиот претседател, борците на Вагнер имаа избор да заминат во Белорусија, да се пријават во редовната руска армија или да се вратат во цивилниот живот.
