Во координирана акција на Царината, Министерството за внатрешни работи и Државниот пазарен инспекторат во текот на вчерашниот ден на пазарите во Тетово и Скопје запленети се 235,5 килограми режан тутун за кој е избегнати плаќање акциза во вредност од над половина милион денари. Од Царинската управа денеска соопштија дека во рамки на акцијата запленет е и пиротехнички материјал, односно 2.000 парчиња петарди и 27 кутии огномет.
часот
„Акциите се дел од заедничките активности на институциите што се спроведуваат со цел спречување и пуштање на стока во промет за која не се платени акцизни давачки, како и пуштање во промет на забранета стока која е ризична по здравјето на граѓаните“, информираат од Царинската управа.
Од таму посочуваат дека стоката е привремено одземена, а од страна на Царинската управа до надлежните институции ќе бидат поднесени соодветни пријави.
Сите написи се користат само за лично информирање.
Преземање, нивно користење и реемитување се можни само со посебен договор со основачот на порталот.
Develop & Design ZMD © 2024.
