„Остануваат уште 40 минути до заминувањето на новинарите за Њујорк, сите се на аеродромот, визите не се издадени. Одговорот на американската амбасада е: „Работиме на тоа“. Ова јасно покажува како се манипулира со темата за слобода на говорот и правата на новинарите“, напиша дипломатот.
Лавров претходно изјави дека САД ја злоупотребиле позицијата на земјата домаќин на седиштето на ОН при издавањето визи на руската делегација во Советот за безбедност, бидејќи на некои членови на делегацијата, како и на сите новинари не им биле издадени визи.
Американската страна на никаков начин не го објасни неиздавањето на визи на претставници на руските медиуми.
Русија претседава со Советот за безбедност на ОН во април. Шефот на руското дипломатско одделение, како дел од претседателството, ќе учествува на состаноците на Советот за безбедност на 24 и 25 април.
