Со гол на Рамадани во 36. минута ШКендија победи на гостувањето кај Пелистер. Тоа беше единствениот дуел кој се одигра во вечерен термин ова коло.
Претходно Воска и Вардар одиграа 0-0. Двете екипи имаа по неколку одлични прилики за гол, но не ги искористија.
Гостиварчани со голот на Машике го скршија отпорот на Тиквеш и славеа со 1-0, за да се одржат на водечкото место.
Силекс се радуваше во дербито на „Чаир“, каде што го совлада домаќинот Шкупи (0-2). Двоен стрелец за кратовчани беше Дарко Додев.
Работнички со пресврт дојде до убедлив триумф против Беса (4-1). Поведоа гостите преку Ракипи, но „романтичарите“ бргу израмнија со голот на Рашид. Во вториот дел со погодоците на Гандо и два на Али Регба домашните се вратија на победите во ПМФЛ по четири кола.
Нерешено заврши мечот во Струмица каде Брера и Струга одиграа 1-1. Тодоровски донесе водство за домаќините, гостите изедначија преку Укпа.
Резултати:
Пелистер – Шкендија 0-1
Воска – Вардар 0-0
Шкупи – Силекс 0-2
Работнички – Беса 4-1
Гостивар – Тиквеш 1-0
Брера – Струга 1-1
Табела: Шкендија 30, Гостивар 30, Силекс 30, Работнички 28, Струга 26, Шкупи 16, Пелистер 16, Брера 16, Беса 13, Воска 12, Вардар 12, Тиквеш 10.
