Поради поплави и лизгање на земјиштето во земјата со околу 30 милиони жители, училиштата ќе бидат затворени во следните три дена, потврдија денеска локалните власти, пренесе Ројтерс.
Поплавите го парализираа сообраќајот и секојдневните активности во долината Катманду, три автопати, вклучувајќи го и клучниот пат Притви што го поврзува Катманду со остатокот од земјата, се блокирани од лизгање на земјиштето, изјави портпаролот на Министерството за внатрешни работи на Непал, Риширам Тивари.
Low-lying areas of Kathmandu were submerged after intense monsoon rains, as floods and landslides claimed at least 112 lives across Nepal. Experts warn that climate change is intensifying the severity and frequency of such disasters in South Asia.#kathmandu #flood #flooding… pic.twitter.com/iFsJMtocIb
— India Today NE (@IndiaTodayNE) September 29, 2024
Автобускиот сообраќај на патиштата е забранет во текот на ноќта, а на возачите им се препорачува да не излегуваат на пат.
„Се очекува дождот да продолжи до крајот на викендот“, изјави Тивари, пренесе Асошиејтед прес.
Nepal Flood Update | 125 death toll due to incessant rain-induced floods and Domestic flights resumed today after bad weather till Sunday morning.
The death toll from floods, landslides and inundation due to heavy rainfall for the last three days has reached 125 people. pic.twitter.com/B8pYcR8pGk
— SansadTV (@sansad_tv) September 29, 2024
Делови од Катманду беа целосно поплавени, како и многу куќи, принудувајќи ги жителите да се засолнат на последните катови од нивните станбени згради, непалските безбедносни сили беа ставени во состојба на готовност.
Силите за безбедност на Непал се ставени во состојба на готовност.
Ова се најголемите врнежи во главниот град на Непал од 1970 година.
Монсунските дождови од јуни до септември секоја година предизвикуваат жртви и уништување низ Јужна Азија, но бројот на смртоносни поплави и лизгање на земјиштето се зголеми во последните години.
Експертите велат дека климатските промени ја зголемуваат зачестеноста на ваквите појави и нивниот интензитет.
Повеќе од 220 лица загинаа оваа година во Непал во природни катастрофи поврзани со дождовите.
