Русковска вели дека ништо во интервјуто, дадено за националната телевизија, не го навредила Рашковски.
По вчерашното интервју на Русковска за ТВ Телма, денеска Рашковски, кој е обвинет во случајот „Софтвери“, преку соопштение побара обвинителката да му се извини, бидејќи јавно посочи дека имала непристојни понуди за да биде назначена на функција додека предметот против него бил во истрага.
Рашковски рече дека ако не добие извинување, ќе поднесе тужба за клевета.
Тој е обвинет во случајот „Софтвери“, кој беше истражуван од Обвинителството за гонење организиран криминал и корупција, во време кога шефица беше Русковска. Случајот е во фаза на дополнение на доказна постапка, по што следуваат завршни зборови и пресуда.