Како што соопшти МВР, А.Б., вработен во Управата за водење на матични книги, издавал изводи и поднесувал барања за изводи за луѓе кои не се присутни во Македонија, односно за луѓе државјани на Турција, што е спротивно на Законот за водење на матични книги.
„Тој во период од три години посредувал при поднесување на документација за лица кои сакале да се стекнат со македонско државјанство и од лице се стекнувал со противправна имотна корист од 400 до 800 евра. На тој начин бил оштетен државниот буџет“, информираа од МВР.
30 годишната А.С., пак, вработена како советник за државјанства во Министерството за внатрешни работи, примала документи – барања за прием во државјанство за луѓе кои бараат државјанство по потекло, без да бидат присутни и лично да го поднесат барањето, што е спротивно на Законот за државјанство.
„Таа ја примала целата документација, која претходно била доставувана кај првопријавениот и кој ја доставувал кај неа“, информираше МВР.
