Бодовите не беа значајни ниту за Вардар ниту за Мелсунген, па во една таква игра без притисок македонскиот тим дојде до триумф и се одјави со стил.
На почетокот од мечот со овации беа поздравени поранешните Вардарци, Мораеш, Кроштипанс и тренерот Парондо кои сега се дел од екипата на Мелсунген.
Натпреварот беше изедначен во најголемиот тек, на полувремето резултатот беше 17-17. Финишот од мечот му припадна на Вардар кој на крајот дојде до победа од 32-30.
Најефикасни во редовите на Вардар беа Ларс Коиј со осум гола и Младен Крсманчиќ со шест голови од исто толку обиди. Еспиња имаше 15 одбрани.
Вардар настапот во Европската лига го заврши на третото место со пет освоени бодови. Прв е Мелсугнен со десет, седум има Порто, а последен е Валур со два.
