Како ураган од четврта категорија, Хелена вчера во 23 часот по локално време ја погоди Флорида и остави зад себе хаотичен пејзаж од превртени бродови во пристаништата, соборени дрвја, заглавени автомобили и поплавени улици. Хелена стигна до Флорида со ветер од 225 километри на час.
Гувернерите на американските сојузни држави Флорида, Џорџија, Алабама, Каролина и Вирџинија прогласија вонредна состојба во своите сојузни држави. Американскиот министер за здравство Ксавиер Бесера рече дека се прават напори да им се помогне на властите во Џорџија да закрепнат од ураганот Хелена и да се обезбеди потребната медицинска помош.
Hurricane Helen’s ravages in Florida, USA, were devastating
#Asheville #Helene #HurricaneHelen #Florida pic.twitter.com/izgHSUQtx4
— Sujon Ahmed (@SAexploring) September 28, 2024
Гувернерот на Џорџија, Брајан Кемп изјави дека десетици луѓе сѐ уште се заробени во зградите оштетени од ураганот од четврта категорија, пренесува Асошиејтед прес. Повеќе од 800 летови се откажани низ целата земја, според Еј-би-си њуз.
Најголем број летови откажаа меѓународниот аеродром Шарлот Даглас во Северна Каролина, меѓународниот аеродром Хартсфилд-Џексон Атланта и меѓународниот аеродром Тампа во Флорида.
Ураган од четврта категорија синоќа го погоди регионот Биг Бенд на Флорида, денеска ослабе над Џорџија.
Ураганот ослабе до категорија 1, со максимална брзина од 120 километри на час, но властите рекоа дека временските услови и понатаму се опасни по живот и ги повикаа жителите да останат во засолништа, соопшти денеска Националниот центар за урагани.
Life-threatening major flooding and debris flow reported in Boone. Stay safe and take precautions! 🌊⚠️ #ncwx #Helene #Boone #NorthCarolina #helene2024 #Helena #HELENE #HuracanHelene #HurricaneHelen #Madison #Flooding
VC :- @EthanClarkWX pic.twitter.com/eiApU08TCU
— Neha Bisht (@neha_bisht12) September 28, 2024
Поплави се забележани низ југоисточниот дел на САД, нови врнежи се очекуваат и денеска. Беше наредена задолжителна евакуација за некои жители во Ешвил, во западниот дел на Северна Каролина. Покрај обилните врнежи се очекуваат и одрони и свлечишта.
Во планините во Северна Каролина наврнаа и до 25 сантиметри дожд.
