„Руската Федерација уште еднаш практично ја стопираше Иницијативата за жито со одбивање да ги регистрира бродовите што доаѓаат и да ги изврши своите инспекции. Овој пристап е во спротивност со сегашниот договор“, соопшти министерството, пренесе Ројтерс.
Русија претходно посочи дека нема да дозволи продолжување на Договорот за жито, кој истекува на 18 мај, а како причина го наведе тоа што рускиот дел од договорот за извоз на руски жита и вештачки ѓубрива не е исполнет.
Рускиот претседател Владимир Путин сѐ уште не одговорил на предлозите на генералниот секретар на Обединетите нации Антонио Гутереш за договорот за извоз на жито преку пристаништата на Црното Море, изјави во саботата портпаролот на Кремљ, Дмитриј Песков.