Две лица загинаа кога руска ракета срамни со земја дел од детската болница Охматдит, најголемата педијатриска установа во Украина, потрагата по преживеани под урнатините продолжи денеска во раните утрински часови.
Русија негираше дека ја гаѓала болницата, велејќи дека била погодена со фрагменти од украинска ракета за воздушна одбрана, додека Украина соопшти дека пронашла остатоци од руска крстосувачка ракета.
Украинскиот претседател Володимир Зеленски го нарече нападот „брутален“ и го опиша рускиот претседател Владимир Путин како „крвожеден криминалец“.
Today, Russia struck Ukrainian cities, resulting in over 170 injuries. As of now, 37 fatalities have been reported, including three children. My condolences go out to their families and loved ones.
In total, nearly 100 facilities were damaged, including a children’s hospital,… pic.twitter.com/Gbd5Yefzfp
— Volodymyr Zelenskyy / Володимир Зеленський (@ZelenskyyUa) July 8, 2024
НАТО се подготвува да одржи важен самит денеска во Вашингтон, каде одговорот на воениот блок на инвазијата на Украина ќе биде високо на агендата, особено по вчерашниот напад.
Светските лидери, сојузници на Украина, го осудија нападот, вклучувајќи го и новиот британски премиер Кир Стармер. Тој изјави дека „нападот на невини деца е најодвратниот можен чин“ и вети континуирана поддршка за Киев по промената на власта во Велика Британија.
Нарекувајќи ги нападите „страшен потсетник на руската бруталност“, американскиот претседател Џо Бајден рече дека САД наскоро ќе објават распоредување на нови системи за противвоздушна одбрана во Украина.
Зеленски рече дека Русија вчера истрелала повеќе од 40 ракети, оштетувајќи речиси 100 згради во Киев, Днепар, Криви Рих, Славјанск и Краматорск.
Сликите од местото на експлозијата во болницата во Киев – која е специјализирана за третман на рак и трансплантација на органи – покажаа деца поврзани на интравенска инфузија како седат пред оштетената установа и чекаат евакуација.
In Ukraine today, 37 people were killed, three of whom were children, and 170 were injured, including 13 children, as a result of Russia’s brutal missile strike.
A Russian missile struck the largest children’s hospital in Ukraine, targeting young cancer patients. Many were… pic.twitter.com/V1k7PEz2rJ
— Volodymyr Zelenskyy / Володимир Зеленський (@ZelenskyyUa) July 8, 2024
Спасувачите и медицинските лица копаа низ урнатините во потрага по преживеани, иако не беше јасно колку од нив сѐ уште се заробени. Градоначалникот на Киев, Виталиј Кличко, вчера попладне изјави дека во нападот на болницата биле повредени 16 лица, меѓу кои седум деца.
Тој рече дека нападите низ градот се едни од најлошите со кои се соочил Киев од почетокот на војната и нареди знамињата да се спуштат на половина копје денеска и да се откажат забавните настани.
По нападот, украинската тенисерка Елина Свитолина носеше црна лента како знак на почит кога играше во осминафиналето на Вимблдон вчера попладне. Таа се бореше со солзите за време на интервјуто по натпреварот, велејќи: „Не беше лесно да се фокусирам на играта денес. Беше тешко да се читаат вестите од утрото. Исклучително е тешко да се излезе на терен“, додаде таа.
Набљудувачката мисија на ОН за човекови права во Украина соопшти дека бројот на цивилни жртви се зголемува во последниве месеци додека Русија ги интензивира своите воздушни напади.