„Советот на ЕУ денеска донесе одлука за зголемување на вкупниот финансиски лимит на Европскиот фонд за мир (ЕПФ) за 3,5 милијарди, врз основа на претходниот договор од 20 март 2023 година. Оваа одлука има за цел да обезбеди финансиска одржливост на ЕПФ на долг рок и да ги зачува опсегот и способноста на ЕУ да спречи кризи и конфликти и брзо да реагира на нив“, се вели во соопштението.
Како што пренесува Ројтерс, повикувајќи се на неименувани извори во ЕУ, специјалниот пратеник на ЕУ за надворешна политика и безбедност, Жозеп Борел, побарал да се подигнат лимитите на фондот, кој веќе има доделено околу 4,6 милијарди евра воена помош за Украина.
