„Нема да има трета дебата“, напиша Трамп на својата социјална мрежа Трут Соушл, пренесува Ројтерс.
„Кога наградуваниот борец ќе ја загуби борбата, првите зборови од неговата уста се: сакам одмазда. Анкетите јасно покажуваат дека победив во дебатата против другарката Камала Харис, кандидатот на радикалната левица на демократите, во вторникот вечерта, и таа веднаш повика на втора дебата“.
„Таа не се појави на Фокс њуз и одби дебати на Ен-би-си и Си-би-ес. Камала треба да спореди што требаше да направи во последните речиси четири години. Трета дебата нема да има!“, објави Трамп.
Трамп учествуваше во дебата против американскиот претседател Џозеф Бајден во јуни и со Харис на почетокот на оваа недела.
