сабота, 13 јули 2024

Трамп го предизвика Бајден на когнитивен тест, а потоа направи гаф во следната реченица (ВИДЕО)

Доналд Трамп го предизвика актуелниот американски претседател да направи когнитивен тест, но во следната реченица го помеша името на сопствениот доктор. Републиканскиот претседателски кандидат редовно го критикува Бајден за неговите различни гафови.

Фото: ЕПА

Објавено на

часот

Сподели

Говорејќи во Детроит, Трамп ја доведе во прашање менталната острина на претседателот. „Тој дури и не знае што значи зборот „инфлација“. Мислам дека треба да направи когнитивен тест како што направив јас“, изјави Трамп, пренесе Скај њуз.

Неколку секунди подоцна, тој продолжи: „Д-р Рони Џонсон. Дали сите го познаваат Рони Џонсон, конгресменот од Тексас? Тој беше доктор во Белата куќа и рече дека сум најздравиот претседател во историјата, па веднаш ми се допадна“.

Сепак, тој очигледно мислеше на Рони Џексон, кој беше лекар во Белата куќа за време на неговиот претседателски мандат. Џексон беше избран во Конгресот во 2021 година и е еден од најгласните бранители на Трамп на Капитол Хил.

Во 2018 година, Трамп направи когнитивен тест на свое барање, изјави Џексон за новинарите тогаш. Испитот е дизајниран да открие рани знаци на губење на меморијата и други благи когнитивни оштетувања. Трамп, кој во петокот наполни 78 години, се запраша дали Бајден, како 81-годишник, воопшто треба да се кандидира за втор мандат.

Бајден исто така ги исмеваше годините на Трамп. „Честитки од еден до друг старец. Годините се само бројка“, напиша Бајден во саркастична честитка.

ТОП ВЕСТИ

ПОСЛЕДНИ ВЕСТИ