Тимот на Трамп смета дека зад маневрот стои Иран, додека порталот Политико претходно објави дека добил мејлови со информации за републиканската кампања од извор кој одбил да се легитимира.
„Овие документи се незаконски добиени од странски извори кои се непријателски настроени кон САД, со намера да се мешаат во изборите во 2024 година и да направат хаос на нашиот демократски процес“, рече портпаролот на кампањата на Трамп, Стивен Чеунг.
Чеунг укажа на извештајот за инцидентот што го објави Мајкрософт неодамна, во кој се вели дека иранските хакери „испратиле онлајн порака за фишинг во јуни до висок функционер на претседателската кампања“.
