Во текот на изминатата недела топлотни бранови ги зафатија Соединетите Американски Држави, Европа и Русија, пренесува Ројтерс. Коперникус на британската новинска агенција ѝ потврдил дека се чини дека минатогодишниот рекорд е соборен. Податоците се собираат од 1940 година.
Минатата година Земјата имала четири последователни дена кои соборувале рекорди, од 3 до 6 јули. Климатските промени поттикнати пред сè од согорувањето фосилни горива доведоа до екстремни жештини на северната хемисфера, пишува Ројтерс.
Од јуни 2023 планетата секој месец, 13 по ред, бележи рекордно топли месеци во споредба со истите периоди од претходната година, соопшти Коперникус. Дел од научниците веруваат дека 2024 затоа ќе ја помине 2023 како најтопла година откако се бележат податоците. Климатските промени и крајот на метеоролошкиот феномен Ел Нињо во април оваа година дополнително ги кренаа температурите.
