Судан е потресен од граѓанска војна откако армијата и РСФ започнаа жестока борба за моќ во април 2023 година, што доведе до, како што велат ОН, една од најлошите хуманитарни кризи во светот, пренесува Би-би-си.
Sudan army’s seized two bridges in Khartoum today, triggering fierce fighting as RSF tried to contain the advance & drive the attackers back to the Nile. Presently, we estimate the bridgehead is 1-1.5 km deep with the frontline approximately between the Hilton & National Museum. pic.twitter.com/B8rUIpAgfN
— Sudan War Monitor (@sudanwarmonitor) September 26, 2024
Во конфликтот загинаа речиси 150.000 лица, додека повеќе од десет милиони, околу една петтина од населението, беа принудени да ги напуштат своите домови.
Воената ескалација дојде и покрај напорите предводени од САД за посредување при прекин на огнот, за кој се дискутираше на маргините на Генералното собрание на ОН оваа недела.
The Abu Safita mosque in El Fasher, Darfur, was damaged by artillery fired by the Rapid Support Forces. This house of worship is located in an army-controlled area (13.622568, 25.354281), which was targeted by the RSF as they tried to advance toward the 6th Division HQ. pic.twitter.com/LP3Pcp3LcF
— Sudan War Monitor (@sudanwarmonitor) September 26, 2024
Според очевидци, армијата ги преминала клучните мостови на реката Нил, кои ги одвојувале областите под контрола на владата во областа Омдурман од регионите контролирани од РСФ.
Припадниците на РСФ тврдат дека ги одбиле овие напади, но се слушаат борби и се гледа чад од локациите во центарот на Картум. Од почетокот на војната, паравоените сили го контролираат речиси целиот главен град, а денешните пробиви се првиот значаен обид на владините сили по неколку месеци да вратат дел од територијата.
ОН повикаа на итна акција за заштита на цивилите и прекин на борбите.
Како што соопштија од ОН, од почетокот на септември најмалку 78 цивили се убиени во бомбардирања и воздушни напади во поширокото подрачје на Картум.
Двете страни се обвинуваат меѓусебно за неселективно бомбардирање на цивилни области.
ОН предупредија дека гладот му се заканува на населението, а Министерството за здравство соопшти дека во земјата владее епидемија на колера, од која минатиот месец починаа 430 лица.
Во меѓувреме, лидерот на РСФ, генерал Мохамед Хамдан Дагало изјави денеска дека оваа фракција е подготвена да го спроведе договорот за прекин на огнот во војната против армијата и да дозволи испорака на хуманитарна помош.
Тој ова го изјави во снимена порака упатена до учесниците на Генералното собрание на ОН, по обраќањето на командантот на суданската армија, пренесе Ројтерс.
