Минималната температура ќе биде во интервал од -7 до 3 Целзиусови степени, а максималната ќе достигне од 15 до 21 степен.
Во Скопје утрото ќе биде студено со појава на магла во делови од котлината. Преку денот сончево со мала локална облачност и со слаб северен ветер. Минималната температура ќе се спушти до -2, а максималната ќе достигне 19 степени.
Според прогнозата на УХМР, под влијание на постудена воздушна маса од север, утре (недела) дневната температура ќе опадне за пет до седум степени.
„Потоа следува период на променливо облачно и постудено време со повремени врнежи од дожд, а на повисоките планини ќе има услови за провејување на снег“, соопшти Управата за хидрометеоролошки работи.
