АМСМ известува и дека поради одрон на патот меѓу селата Извор и Иванчишта сообраќајот се одвива по една коловозна лента.
Од вчера е изменет и режимот на сообраќај на патниот правец Скопје – Катланово поради градежни работи за проширување на автопатот А1, делница Петровец – Катланово.
Наместо по десната коловозна лента, како што беше досега, сообраќајот е изменет и ќе се одвива во левата коловозна лента, во двата правца
Според утринскиот извештај на АМСМ, сообраќајот на државните патишта се одвива непречено, по претежно влажни коловози. Интензитетот на сообраќај на патните правци надвор од градските средини е умерен.
На граничните премини, од македонска страна, нема подолги задржувања за влез и излез од државата.
