„ДУИ со СДС направија непростивни предавства и злодела кон македонската држава и народ и затоа беа казнети на изборите. Тие не сакаат да ја прифатат вољата на народот да бидат опозиција и се обидуваат со пазарење за етнички поделби и територијален раздор да извлечат некаква корист.
Ваквите приватни иницијативи на ДУИ се веќе видена работа и не треба да се толкуваат поинаку освен како прикривање на криминалните активности на кои се потврдени во досегашното владеење и за кои мора да одговараат.
Вонинституционалното дејствување на ДУИ е спротивно на демократијата и интересот на граѓаните кои се згрозени од рекетарскиот и криминален настап за етнички поделби и конфликти.
ДУИ ако не е во власта се обидува да ја сруши унитарноста на државата по етнички и територијален принцип спротивно на Уставот што е криминално однесување. ДУИ не го интересираат ни Албанците, ниту пак Македонците, туку само интересите на криминалната партиска врхушка.
Ги повикуваме надлежните институции да постапуваат според Уставот, законите и меѓународното право и да не дозволуваат замешателства и креирање на кризи во државата од било кого“, се вели во соопштението на Социјалистичката партија на Македонија.
