„Осомничениот, осуденик на издржување казна затворот во Идризово, Скопје, на 31 мај тешко повредил друг осуденик. Физички го нападнал во затворот со тупаници и клоци, а од нанесените тешки повреди оштетениот починал на 22 јуни“, информираа од Јавното обвинителство (ЈО).
Оттамму велат дека надлежниот јавен обвинител до судијата на претходна постапка од Основниот кривичен суд Скопје доставил предлог за определување мерка притвор бидејќи постојат околности дека осомничениот ќе ја попречува кривичната постапка со влијание врз сведоците и опасност тој да го повтори делото.
