вторник, 16 јули 2024

Шмид: ОБСЕ беше и останува тивка но моќна сила за промени

Објавено на

часот

Сподели

Според неа, оваа организација, заснована на принципи и заложби договорени од сите учесниците во Хелсинки, Финска пред речиси 50 години, не е наменета само да се однесува на одреден опсег на безбедносните предизвици, туку и да ги повика своите учесници на одговорност.

„Дел од она што ја издвојува работата на ОБСЕ е нашата способност да поттикнеме регионални пристапи за заеднички предизвици. Земете ја на пример нашата работа во Централна Азија. Во Стокхолм во 2021 година, дадов предлози како да ги поддржиме нашите земји-учеснички во Централна Азија во справувањето со импликациите од бруталното преземање на Талибанците на Авганистан. Ме задолживте да развијам план кој се однесува на широк опсег на предизвиците низ регионот. Така развивме програма во Секретаријат – во соработка со нашите теренски мисии. И благодарение на неколку донатори, вклучително и партнери, во моментов реализираме 77 милиони евра на вонбуџетски проекти во овој контекст, кои во крајна линија ни служат на сите нас“, посочи таа.

Дополни дека ова е само еден пример, а поентата како што рече, е дека се обезбедува единствена вредност преку регионален пристап.

– Треба да останеме ефективни за да можеме да одговориме кога земјите-учеснички ќе побараат поддршка. Во Украина, додека минатата година моравме да ги затвориме двете наши мисии, ние продолжуваме да ги поддржуваме владата и општеството за да се справат со влијанието на војната, како и за поддршка на демократските институции на земјата. Ова е можно поради целосно вонбуџетската работа што се работи таму, со финансирање од 30 земји-учеснички и Европската Унија и посветен Специјален претставник на теренот. Ова поддржува 20 проекти за решавање на проблеми од влијанието на нагазните мини и еколошките ефекти од војната врз трговијата со луѓе“, рече Шмид.

Шмид вели дека ОБСЕ нуди решенија кои се прилагодени на локалните околности и помага при предизвици кои влијаат на секоја од нашите земји-учеснички.

Таа истакна дека е особено горда на работата што ја прават, за да ги ангажираат, како што рече „оние кои би можеле да бидат недоволно застапени – вклучително националните малцинства, младите и секако жените“.

„Ние сме не само борбата против родовото насилство, туку и промовирање на жените како агенти за промени, без разлика дали во управувањето со водите или полициското работење во заедницата. Преку мрежата што ја започнав минатата година, ние ги поддржуваме жените кои го градат мирот во целиот регион на ОБСЕ, како и од Авганистан. Ние помагаме да ги подобрат своите вештини и да ги прошират своите мрежи, бидејќи ни треба повеќе жените на сите нивоа на одлучување“, рече Шмид.

Како дел од примерите на кои работи ОБСЕ ги издвои  сајбер-безбедноста, поврзувањето и антикорупција.

Во своето обраќање сподели дека упорно барала начин, како да се подобри работата во Секретеријатот и ОБСЕ, а во врска со потребните ресурси.

Хелга Марија Шмид потенцираше дека ОБСЕ е суштински дел од безбедносната архитектура, а потребата за уникатни придонеси е поголема отколку што била досега.

„Горда сум на работата што ја работиме, резултатите што ги даваме и начините на кои работиме прават разлика низ регионот на ОБСЕ. Оваа организација има клучни инструменти потребни за поддршка на мирот и безбедноста. Оваа Организација ги носи сите кои се релевантни за безбедноста во Европа и Евроазија заедно околу една маса – вклучувајќи ја и нашата“, рече таа, дополнувајќи дека ОБСЕ беше и останува тивко моќна сила за промени, бидејќи, како што рече, „се работи, навистина, за луѓе“.

На отворањето претходно се обратија премиерот Димитар Ковачевски, министерот за надворешни работи, Бујар Османи и претседателката на Парламентарното собрание на ОБСЕ, Пиа Каума. 

Македонија е домаќин на 30. Министерски совет на Организацијата за безбедност и соработка во Европа – ОБСЕ, на кој учествуваат околу 1000 делегати од 57 земји членки на Организацијата и земји партнери. 

ТОП ВЕСТИ

ПОСЛЕДНИ ВЕСТИ