Се чини дека балоните патуваат кон северниот дел на провинцијата Ѓеонги, која го опкружува Сеул. На граѓаните им се советува да не ги допираат балоните, туку да ги пријавуваат локациите на војската или полицијата, соопшти јужнокорејскиот Здружен Генералштаб (ЈЦС).
Северна Кореја во десет наврати испрати повеќе од 2.000 балони полни со ѓубре во Јужна Кореја како одмазда за летоците против Пјонгјанг испратени на север од севернокорејски дезертери во Јужна Кореја.
Јужна Кореја продолжи со пропагандното емитување преку звучници кон Северна Кореја во четвртокот како одговор на повторното лансирање на балони полни со ѓубре од страна на Северна Кореја.
ЈЦС во петокот најави дека ќе продолжи со пропагандното емитување. Северна Кореја негодува поради кампањата со звучници и летоци, плашејќи се дека приливот на надворешни информации може да претставува закана за режимот на Ким Џонг Ун.
