Во четвртокот, за време на посетата на командата на воздухопловните сили на Северна Кореја на Денот на воздухопловците, Ким презентираше упатства за подобрување на борбените способности на војската, објави новинската агенција КЦНА.
Respected Comrade Kim Jong Un Pays Congratulatory Visit to KPA Air Force Command and Air Force Regiment of 1st Division pic.twitter.com/PP9TGj7za5
— KFA-UK (@Korea_Friend_UK) December 1, 2023
Ким наведе оперативни и тактички мерки за спротивставување на, како што рече, „секаква воена провокација и закана од непријателот веднаш и силно“, наведе КЦНА, пренесе Ројтерс.
Севернокорејскиот лидер потоа присуствуваше на демонстративен лет на воздухопловните сили. Фотографиите објавени од државните медиуми покажуваат дека Ким и неговата ќерка, облечени во долги кожени јакни, го гледаат летот на авионот. Ким ги пофали воздухопловните сили за, како што наведе, „целосната подготвеност за извршување борбени мисии“ под сите услови.
Amazing KCNA pics of Kim Jong Un and daughter pic.twitter.com/0KhPP88vB2
— Oliver Hotham (@OliverHotham) December 1, 2023
Тензиите на Корејскиот Полуостров се зголемија откако Северна Кореја лансираше воен сателит во орбитата минатиот месец, што ја натера Јужна Кореја да ја суспендира клучната клаузула од меѓукорејскиот воен договор од 2018 година. Пјонгјанг оттогаш објави дека повеќе не е обврзан со договорот.
President Kim Jong Un visited Air Force HQ and congratulated pilots on the occasion of the Day of Air Men (29, November) pic.twitter.com/VW0D0dp9kh
— paramasivam (@Parama_Coreafan) November 30, 2023
Соединетите Држави и нивните сојузници остро го осудија лансирањето на првиот воен сателит на Северна Кореја во орбитата како кршење на резолуциите на Советот за безбедност на Обединетите нации. Пјонгјанг, сепак, најави дека ќе лансира уште воени сателити. Во четвртокот, САД воведоа нови санкции кон Северна Кореја поради нејзиното лансирање сателит. Јужна Кореја исто така воведе санкции кон Северна Кореја.
