Од СДСМ додаваат дека Мицкоски лаже и ја потценува интелигенцијата на граѓаните. Особено кога, како што велат, без око да му трепне вели дека причина за тоа биле проблемите со колената.
„Дали Муцунски, Тошковски и Мисајловски исто така имаат проблем со колената? Па затоа мора и тие да патуваат со бизнис-класа? Зошто молчеше и се криеше со денови откако СДСМ го откри јавно скандалот со луксузните патувања? Ќе ги објави ли сега Владата сите трошоци што ги платија граѓаните за луксузните прошетки на Мицкоски и неговите министри? Наместо да води грижа за секој денар, за тоа како да се трошат парите, Мицкоски дрско, дури и безобразно мува не го лази за начинот на кој се расфрла и се луксузира на државен трошок“, се вели во реакцијата на СДСМ.
Ова, според опозициската партија, ги покажува ароганцијата и потценувањето на граѓаните, но и начинот на кој ВМРО-ДПМНЕ и Мицкоски ќе се однесуваат, душмански со парите на граѓаните, за сопствени луксузирања.
