„Прашуваме како е можно да се дозволи бегство на затвореник баран со меѓунардона потерница? Дали Тошковски дозволи да избега или е крајно неспособен да зачува криминален кој е меѓународно баран? Тошковски исто така не одговори, како е можно само пред неколку дена други десет затвореници да избегаат од Шутка?
Во текот на вчерашниот ден се сподели и видео на социјалните мрежи каде во сред бел ден се врши грабеж во центарот на Скопје, а МВР нема информација дали го лоцирала сторителот. Се случија шест убиства и обиди за убиства за кои нема разрешница освен за едно. Државата за шест месеци со Тошковски на чело на МВР се претвори во Див запад и нема никаква одговорност. Тошковски треба да е доблесен и да си замине од функцијата“, се вели во соопштението на СДСМ.
