Самка Ибраимоски ги испраќал преку Фејсбук, но самиот тој негира дека станува збор за закани по живот, туку за критика во едно демократско општество поради политиката извршителите да наплаќаат и стари долгови од сиромашни лица, како што се Ромите кои тој, вели, ги застапува. Тој нагласи дека има право како предлагач на закон, кој е одбиен, да критикува.
Ибраимоски е повикан да отиде во полиција.
Од Уставниот суд велат дека лично претседателот Дарко Костадиновски ги пријавил заканите, а како што информираат од прес службата, биле поврзани со конкретен предмет кој го работел Уставен.
Уставната судијка Ана Павловска Данева вели нападите и заканите се притисок врз независноста и интегритетот на судот.
„Поранешен пратеник и претседател на помала политичка партија, незадоволен од Одлука донесена од Уставниот суд, преку социјалните мрежи во континуитет објавува закани и навреди кон судиите, при што го има наведен моето име, најавувајќи убиство и слични противзаконите дејствија“, вели за Сител Павловска Данева.
Во меѓувреме, Ибраимоски и денеска продолжил со критиките преку Фејсбук против одлуката на Уставниот суд, а во неговите видеа и написи често го споменува името на Павлоска Данева