„Хеликоптерот беше на тренинг лет“, соопшти министерството на апликацијата за размена на пораки Телеграм. „Хеликоптерот беше управуван од искусен екипаж со илјадници часови лет“, се додава.
Остатоците од хеликоптерот, кој исчезна од радарите доцна во неделата, биле пронајдени на 11 километри од брегот на езерото Онега, второто по големина езеро во Европа, во Карелија, на длабочина од 50 метри.
Министерството соопшти дека во потрагата се вклучени нуркачи и подводно возило на далечинско управување. Тие не објавија никакви информации за статусот на членовите на екипажот.
Регионот Карелија е поделен на два дела: финскиот регион Карелија и руската Република Карелија во северозападниот дел на Русија, меѓу Белото и Балтичкото море, каде што се урна хеликоптерот.
