Москва реагираше на тврдењата на шефот на руската платеничка група Вагнер, Јевгениј Пригожин, како и на руските воени блогери, кои на апликацијата Телеграм објавија дека Украинците напредуваат јужно и северно од Бахмут, а руска РТ синоќа објави дека долгоочекуваната контраофанзива на Киев почнала.
„Изјавите што кружат на поединечни канали на Телеграм дека се пробиени одбранбените линии на различни делови од фронтот не одговараат на реалноста“, соопшти руското Министерство за одбрана, додавајќи: „Севкупната ситуација во областа на специјалните воени операции е под контрола“.
