„Руските опсежни воени одбранбени системи укажуваат на длабока загриженост за најавената украинска офанзива“, објавија вчера британските разузнавачи.
„Русија вложи вонредни напори да ја зајакне својата одбрана околу северната граница на Крим, која е под окупација девет години“, соопшти Министерството.
Русија исто така ископа стотици километри ровови на окупираната украинска територија и длабоко во руската територија. „Покрај стравот од украински пробив, одбранбените мерки веројатно се и обиди да се промовира официјалниот наратив дека Русија е загрозена од Украина и НАТО“, пишува Министерството.
Сликите покажуваат дека Русија вложила посебни напори за да се утврди на северната граница на окупираниот Крим, а исто така ископала „стотици километри ровови во меѓународно признатите граници на руската територија, вклучувајќи ги и регионите Белгород и Курск“.
Fortification of the ?? Russians on the left bank of the Dnieper#Dnieper #Ukraine #russia #War #Ukrainewar #UkraineRussiaWar #RussiaUkraineWar #StandWithUkraine #CrimeaisUkraine #Kherson #Donetsk #Donbas #StopRussianAggression pic.twitter.com/2XKOKRpXdI
— Ukrainian Witness ?? (@warinukraineua) April 25, 2023
Минатата недела Ројтерс објави сателитски снимки од руските одбранбени линии направени од Капела Спејс. Тие се протегаат од западна Русија преку источна Украина до Крим. Изградени се како дел од подготовките за голем украински напад, пишува Ројтерс.
Новинарите на Ројтерс ги прегледале сателитските снимки од илјадници одбранбени позиции во Русија и долж линиите на фронтот на Украина, кои покажуваат дека одбраната е најсилна во јужниот регион Запорожје и на влезот на полуостровот Крим. Шест воени експерти рекле дека одбраната, која во голема мера беше изградена по брзото напредување на Украина есента, може да им отежни на украинските сили овој пат и дека напредокот ќе зависи од нивниот капацитет ефикасно да спроведуваат сложени, комбинирани операции.
„За Украинците прашањето не е бројноста, туку дали се способни за ваков тип војување, операции за комбинирано вооружување“, вели Нил Мелвин, аналитичар во Лондонскиот институт РУСИ.
„Русите покажаа дека не го можат тоа и се вратија на стариот советски метод на исцрпување“, рече тој.
Latest Defence Intelligence update on the situation in Ukraine – 01 May 2023.
Find out more about Defence Intelligence’s use of language: https://t.co/Wu1lvnsXTe
?? #StandWithUkraine ?? pic.twitter.com/PRlzMJHXoX
— Ministry of Defence ?? (@DefenceHQ) May 1, 2023
Обемни, слоевити утврдувања
Западот испратил голем број модерни борбени тенкови и борбени пешадиски возила за да служат како претходница на офанзивата, заедно со опрема за премостување и возила за чистење мини. Како резултат на тоа, Русија копа големи, слоевити утврдувања за да се осигури дека нејзините трупи ќе бидат многу повкопани отколку кога беа потиснати од североисточна Украина и градот Херсон, покажуваат сателитски снимки.
Снимките анализирани од Ројтерс покажуваат дека најголем дел од руската изградба се случил по ноември, кога нејзините сили се повлекоа од Херсон на југ и двете страни се обидоа да ги зацврстат позициите во текот на зимските месеци.
Воени експерти велат дека одбранбените структури, кои се протегаат на стотици километри, се поставени во области каде што Русија очекува напад или гледа стратегиско значење во одржувањето на контролата на територијата.
#Maxar satellite images: A web of trenches shows Russia fears losing Crimea, which it illegally annexed in 2014. #CrimeaIsUkraine #Ukraine #UkraineWillWin #RussiaUkraineWar #RussiaIsATerroristState https://t.co/iCthHNeDU1 pic.twitter.com/iQTuoP43Lz
— Aidan ? (@BreAidan) April 4, 2023
Според сателитските снимки, руските позиции се најконцентрирани во близина на линиите на фронтот во југоисточниот регион Запорожје, на исток и преку тесниот појас на копно што го поврзува Крим со остатокот од Украина.
Воените експерти очекуваа дека главниот удар на контраофанзивата ќе биде на југ, иако најтешките борби последниве месеци беа концентрирани на исток, особено околу градот Бахмут.
Russian troops dug a 70-km long trench in Zaporizhzhia region. It is almost a third of the whole width of the region (East to West).
The trench was noticed on Sentinel-2 satellite images.
Source: Investigator org ua pic.twitter.com/opteXj04lD
— Anton Gerashchenko (@Gerashchenko_en) April 8, 2023
Освен ровови, барикади и цик-цак ровови, одбранбените линии на Русија ќе вклучуваат и мински полиња, боцкава жица и камуфлирани позиции за оружје. А во случајот со Полохи, Русија изгради две различни одбранбени линии, една на север и една на југ.
Новинарите на Ројтерс виделе како некои градови, како Токмак и Билмак над регионот Запорожје, се опкружени со утврдувања. Ископани се ровови покрај патиштата, надвор од другите населени места и на градските аеродроми Мелитопол и Бердјанск. Северот на Крим е исто така утврден.
И покрај огромната одбранбена мрежа, четворица аналитичари рекле за Ројтерс дека Русија ќе биде „растегната по должината на фронтот“, ранливост што Киев ќе се обиде да ја искористи со измами, одвлекување на вниманието и оперативна брзина.
„Одбраната ја истакнува длабоката загриженост на руските лидери дека Украина може да постигне голем пробив“, се вели во извештајот на британското Министерство и се додава дека сепак, некои работи веројатно се нарачани од локални команданти и цивилни лидери во обид да се промовира официјалниот наратив дека Русија е „загрозена“ од Украина и НАТО.
