недела, 21 јули 2024

Русија спроведе вежби со тактичко нуклеарно оружје на границите со пет земји-членки на НАТО

Русија денеска соопшти дека војници и морнари од северниот ленинградски воен округ, кој се граничи со членките на НАТО Норвешка, Финска, Полска, Летонија и Литванија, учествувале во воени вежби со тактичко нуклеарно оружје.

Фото: ЕПА

Објавено на

часот

Сподели

Ова претставува проширување на областа каде што се изведуваат вежби на речиси целата руска европска граница, која се протега од Арктичкиот Океан до Црното Море.

Претседателот Владимир Путин минатиот месец нареди вежби во јужната воена зона долж Украина, откако западните власти сигнализираа дека ќе му дозволат на Киев да користи донирано оружје за напади на цели длабоко во руската територија.

Путин во петокот рече дека Русија нема потреба да користи нуклеарно оружје за да победи во Украина, што е најјасен сигнал на Кремљ досега дека конфликтот во Украина нема да ескалира во нуклеарна војна.

Но, тој исто така не исклучи промени во руската нуклеарна доктрина, која одредува под кои услови може да се користи атомското оружје.

САД објавија дека сè уште не гледаат промена во стратешкиот план на Русија, иако разузнавачите многу сериозно ги сфаќаат руските изјави.

Русија и САД се веројатно најсилните нуклеарни сили во светот, со 80 отсто од вкупниот нуклеарен арсенал, според податоците на Федерацијата на американските научници.

ТОП ВЕСТИ

ПОСЛЕДНИ ВЕСТИ