Претседателот Владимир Путин, кој претходно овој месец ѝ предложи на Русија да ја повлече ратификацијата на договорот од 1996 година бидејќи САД не го ратификуваа, рече дека ниту потврдил ниту ја отфрлил можноста за продолжувањето на нуклеарното тестирање на Русија.
„Поради безбедноста на нашата земја, ја повлекуваме ратификацијата на Договорот за сеопфатна забрана на нуклеарни тестови“, рече претседателот на Думата Вјачеслав Володин пред расправата и парламентарното гласање за отповикување на ратификацијата. Володин рече дека Русија го ратификувала договорот во 2000 година, додека Вашингтон не го направил поради својот „неодговорен однос кон глобалните безбедносни прашања“.
„Руската Федерација ќе направи сѐ за да ги заштити своите граѓани и да ја одржи глобалната стратешка еднаквост“, додаде Володин. Русија ја повлекува ратификацијата, но ќе остане потписничка и ќе продолжи да соработува со ко-потписничките и со глобалниот систем за мониторинг кој го предупредува светот за секој тест.
Обновувањето на нуклеарните тестови од страна на Русија, САД или Кина би можело да означи почеток на нова трка за нуклеарно вооружување меѓу големите сили коои ги запреа нуклеарните тестирања во годините по распадот на Советскиот Сојуз во 1991 година. За многу научници и активисти, масовното тестирање на нуклеарни бомби за време на Студената војна укажа на лудилото на нуклеарниот напад што може да го уништи човештвото и да ја контаминира планетата стотици илјади години.
Војната во Украина ги подигна тензиите меѓу Москва и Вашингтон на највисоко ниво од Кубанската ракетна криза, токму во моментот кога Кина се обидува да го зајакне својот нуклеарен арсенал за да одговара на статусот на суперсила во подем.
