Во меѓувреме, украинските сили објавија видео на кое наводно се гледа како ја преземаат контролата врз град во близина на границата, што е прв графички доказ за нивното прекугранично напредување.
Курськ зараз.
Слава #ЗСУ 🇺🇦 pic.twitter.com/hYriCSzale— Людмила 🇺🇦 (@LdMila810824) August 9, 2024
Како дополнителен доказ за штетата предизвикана од контраофанзивата на Украина, друго видео објавено на социјалните мрежи и потврдено од Ројтерс покажува конвој од околу 15 изгорени руски воени камиони наредени покрај автопат во регионот Курск, во некои имало трупови.
Вршителот на должноста гувернер на Курската област Алексеј Смирнов изјави дека остатоците од беспилотното летало паднале на трафостаница во близина на Курчатов, каде се наоѓа една од најголемите руски нуклеарни централи со четири реактори. Струјата беше прекината во областа некое време.
Шефот на Меѓународната агенција за атомска енергија (МААЕ) на ОН ги повика двете страни да покажат воздржаност со оглед на близината на конфликтот до реакторот, на 60 километри од границата.
Руски дипломати во Виена ѝ рекле на МААЕ дека се пронајдени фрагменти, најверојатно од соборените проектили, иако нема докази за напад на реакторот.
Украинските сили ја пробија границата во вторникот во напад што ја изненади руската војска по неколкумесечниот постепен напредок на московските сили во источна Украина.
Политичарите и војската се осврнуваат на „инвазијата“ на Украина, речиси две и пол години откако Русија започна своја целосна инвазија врз својот сосед.
Руските новински агенции објавија рано денеска дека Националниот комитет за борба против тероризмот вовел антитерористички мерки во Курската област и блиските региони Брјанск и Белгород.
Во соопштението се наведува дека одлуката што ја донел Александар Бортников, шеф на разузнавачката служба ФСБ, е одговор на „невидениот обид на Украина да ја дестабилизира ситуацијата во голем број региони“.
Новинската агенција РИА соопшти дека мерките вклучуваат можно раселување на жителите, ограничувања на транспортот, зголемена безбедност околу чувствителните локации и прислушување.
Два дена откако началникот на Генералштабот на армијата Валериј Герасимов го информираше претседателот Владимир Путин дека напредувањето е запрено, руското Министерство за одбрана соопшти дека нивните сили „продолжуваат да одбиваат обид за инвазија на вооружените сили на Украина“.
Новинската агенција Интерфакс ја пренесе изјавата на министерството дека Русија испраќа колони за засилување со повеќецевни ракетни системи „Град“, артилерија и тенкови.
Украинската снимка, наводно, покажува како украинските сили контролираат мерна станица за гас со која управува рускиот концерн Газпром во градот Суџа.
„Градот е контролиран од вооружените сили на Украина, градот е мирен, сите згради се недопрени“, вели војникот во видеото, додавајќи дека „стратешкиот објект на Газпром“ е под контрола на украинскиот баталјон.
The Ukrainian blackout on the invasion of Russia is gone. Here are soldiers of the 61st Brigade recording a video at the Gazprom offices in Sudzha, a district center of the Kursk region of Russia. “The city is under the control of armed forces of Ukraine and quiet.” pic.twitter.com/xNfrI4Ur54
— Yaroslav Trofimov (@yarotrof) August 9, 2024
Ројтерс не можеше да ја потврди оваа снимка, а Генералштабот на украинската армија не даде коментар.
