Според британската агенција, Песков се повика на претходна изјава на рускиот претседател Владимир Путин, кога тој за време на посетата на Виетнам кажа дека Москва размислува за можни промени на нуклеарната доктрина.
„Претседателот Путин кажа дека во тек е работа на усогласување на доктрината со актуелните реални околности“, кажа Песков.
Покрај тоа, Путин минатата недела на средба со дипломците на воените универзитети најави планови за понатамошен развој на нуклеарниот арсенал.
„Нашите планови вклучуваат понатамошен развој на нуклеарната тријада како гаранција за стратегиско одвраќање и одржување рамнотежа на силите во светот“, кажа Путин.
