„Навистина, нашата задача во блиска иднина е во најкраток можен рок конечно да го поразиме непријателот кој се вкопа во Курската област и тука спроведува воени операции“, кажа рускиот претседател на состанокот кој го одржа во команден штаб во пограничната област.
Путин предложи и формирање безбедносна зона долж границата.
Украинците во Курската област ги нарече терористи и порача дека кон заробените борци треба да се однесува согласно тој статус.
„Странските платеници не подлежат на Конвенцијата за воени заробеници“, истакна Путин и додаде дека заробениците треба да бидат третирани хумани, и покрај нивниот статус.
„Уверен сум дека сите борбени задачи кои стојат пред нашите единици ќе бидат исполнети“, заклучи Путин.
While dressed in a military uniform, Vladimir Putin met with CGS Valery Gerasimov at a command post to discuss the situation in Kursk. Also photographed were generals Alexander Lapin, Sergey Rudskoy, and Yevgeny Nikiforov. https://t.co/4mHwc8MPyEhttps://t.co/CdJ23gEP53 pic.twitter.com/XvfjAHA42G
— Rob Lee (@RALee85) March 12, 2025
Командантот на Генералштабот на руската војска Валериј Герасимов му кажа на Путин дека руските сили ослободиле повеќе од 1.100 квадратни километри во пограничниот дел на Курската област и дека во последните пет дена се ослободени 24 населби и 259 квадратни километри територија. Кажа дека во одредени насоки руските сили ја преминале границата и влегле во украинскиот Сумски регион.
Тој истакна дека „украинските сили во Курската област се опколени и изолирани“ и дека „во тек е нивно систематско уништување“.
