Претходно, како што објави МКД.мк, Стојков доцна попладнево беше повикан на распит во полициска станица, а потоа, како што вечерва јави Телма, е приведен и за него ќе се одлучува пред судија на претходна постапка за евентуален притвор.
Според тоа што Стојков го имаше изјавено, а откако на заедничката прес-конференција на МВР и скопското обвинителство беше речено дека Палевски е заминат во Белград заедно со неговиот адвокат, Стојков изјави за медиумите дека не знаел дека Палевски, кој му е пријател и му бил клиент во минато, е гонет за кривично дело.
Стојков рече дека Палевски го замолил, бидејќи немал возило на располагање, да му помогне и да го однесе во Белград бидејќи морал да оди на лекарски преглед. Адвокатот рече и дека откако дознал за случајот, а веќе бил вратен во Скопје, му пратил на Палевски порака да се врати во земјата и да се пријави заради расчистување на случајот.
Инаку, како што е познато, од Белград Палевски со сега приведениот Стефан Димковски, со возило ренџ ровер од Беглрад преку Бугарија заминал за Турција, во градот Баликесир каде е и приведен од турската полиција.
Палевски е првоосомничен за убиствата на 14 годишната Вања Ѓорчевска и 74-годишниот Панче Жежовски.
