Израелската армија им порача на цивилите кои живеат во северниот дел на Појасот Газа да користат два правци денеска за да се упатат кон југ, изјави портпаролот.
Во соопштението објавено на арапски јазик на социјалната мрежа Х, портпаролот на израелските одбранбени сили (ИДФ) Авичај Адраи рече дека двата правци може да се користат без никакви пречки меѓу 10 и 16 часот по локално време.
На оние кои живеат во градот Газа им се советува да се преселат на југ од Беит Ханун до Кан Јунис, пред можната копнена офанзива од страна на израелската армија.
На луѓето кои живеат во близина на плажата и западно од Маслин, ќе им биде дозволено да се движат по улиците Далдул и Ал-Сана кон Салах Ал-Дин и Ал-Бахр, додаде Адраи.