Дека постојат валидни причини за загриженост тврди поранешниот лекар на Белата куќа Рони Џексон, кој на таа функција бил во администрациите на Џорџ Буш Помладиот, Барак Обама и Доналд Трамп.
„Падот на когнитивните способности кај Бајден се случува брзо. Водев сметка за здравјето на тројца претседатели, така што од прва рака знам што е потребно да се биде врховен командант и шеф на државата. Тоа напорна работа, и психички и физички. Овој човек не може да ја врши. Секој ден тоа ни го докажува, но ситуацијата ќе биде сè полоша и полоша“, наведе Џексон.
Тој оцени и дека САД „не можат себеси да си дозволат овој човек да ги води до крајот на мандатот, а потоа уште четири години“, бидејќи тој, според него, „уште сега ги изложува на голем ризик“.
Џексон претходно му пишал на Бајден писмо во кое го повикува веднаш да поднесе оставка и да се откаже од кандидатурата за 2024 или во спротивно успешно да мине когнитивен тест за да докаже дека е способен да ги води Соединетите Американски Држави.
