„Многу вработени во Министерството за одбрана, војници но и на други позиции ни пишаа дека не можат да добијат безбедносен сертификат поради нивното минато. Има и такви кои беа и членови на ОВК“, вели Јајага за ТВ Клан.
Заменик министерот за одбрана вели дека тоа прашање го покренал на највисоко ниво во државните институци, како и во партиски рамки (ДУИ).
„При тоа напоменав дека доколку прашањето за сертификатите не се реши во блиска иднина. ова ќе претставува голем проблем во иднина. Армијата е дел од НАТО, па без сертификат ни се многу мали шансите“, изјави Јајага.
Според него, сомнежите во поединци се дури и банални.
„Но, тие немаат пристап до нивните досиеја, други институции имаат пристап. Она што можам да го кажам е дека вреди повторно да се разгледаат тие случаи“, кажа заменик министерот.
Тој признава дека е мал интересот кај Албанците да станат дел од Армијата, иако условите се добри и мининалната плата во Министерството за одбрана, оттаму и за војниците, е над 700 евра.
На последниот конкурс на воената академија, како што објави КланМ, од 43 примени кандидати само двајца се Албанци.