Расел дојде до третата пол-позиција оваа сезона, вкупно четврта во кариерата со што ја потврди доминацијата на Мерцедес во овој тркачки викенд. Тој оствари време од 1:33.186. Сепак неговиот клупски партнер потфрли и заврши на десеттото место.
Карлос Саинц од Ферари имаше второ најдобро време, трет беше Гасли кој е најпријатното изненадување во квалификациите, во топ десет завршија и Леклер, Ферстапен, Норис, Цунода, Пјастри и Хулкенберг.
Трката за Големата награда на Лас Вегас ќе се одржи утре од 7 часот наутро по македонско време.
Во генералниот пласман, Макс Ферстапен е прв со 393 поени, пред Ландо Норис со 331 и Шарл Леклер со 307. Во конкуренцијата на конструкторите, води Мекларен со 593 поени, пред Ферари со 557 и Ред Бул со 544.
