„Свесни за фактот дека хигиената во Аеродром може да биде на повисоко ниво, на почетокот на оваа година, ветивме дека ќе работиме на нејзинo унапредување и подобрување и тие ветувања ги реализираме оваа пролет. По реакциите и забелешките од граѓаните воведуваме нов концепт на уредување, чистење и косење во општината“, истакна Муцунски и вели дека станува збор и за соработка со приватен партнер.
Здружени и со ваша поддршка ги решаваме најважните проблеми и предизвици. Новиот концепт започна да се применува од четвртокот и за само два дена целосно искосени се 80 илјади квадратни метри зеленило во Аеродром, нагласуваат од Општината и велат дека со ова темпо продолжуваат и следните денови.
„Убеден сум дека, многу скоро ќе ја постигнеме, нашата заедничка цел: целосно зелена, уредена, убава и чиста општина Аеродром“, вели Муцунски во својата објава.
Фотографии: Општина Аеордром
Инаку, МКД,мк вчера регистрира голема акција на косење на тревата во населбата Ново Лисиче каде од тревиштата речиси и не се гледаа клупите за одмор. Таму со „грин машин“ се чистеа и плочниците меѓу зградите, како што забележа нашиот фото-апарат.
Фото: П.Џ.