По големиот пожар, од 4 ноември комплексот „Манастир“ во Берово почнува со работа

„Со голема радост ви објавуваме дека од понеделник, 4 ноември, продолжуваме да ве пречекуваме во нашата и ваша уникатна безвременска приказна хотел Манастир, Берово. Иако на 27 октомври вечерта имавме пожар во еден дел од хотелскиот комплекс Манастир – во дел од ресторанот каде е отворената скара – со радост можеме да ве известиме дека само помал дел од ресторанот е зафатен и пожарот е успешно локализиран благодарение на брзата реакција на колегите, пријателите и противпожарните служби. Сите други делови од комплексот се во совршена функција – сместувачките капацитети, кујната, вториот дел од ресторанот, терасите, СПА-то, паркот…. и ве чекаат, подготвени да ви понудат гостопримство и високо квалитетна услуга по која сме препознатливи. Периодов ќе следи и санација на погодениот дел од ресторанот, за брзо враќање на неговиот автентичен амбиент“, вели менаџерката на хотелот Дина Муцунска.