Шумуликоски под дејство на алкохол на улицата 15 Корпус во Струга започнал кавга и тепачка со еден 29-годишен сограѓанин, а по обидот на полицајците да интервенираат, им се нафрлил и на нив.
Фудбалерот на руски Сибир, револтиран од постапките на полицајците, вербално ги навредувал, со вулгарни пцости и сериозни закани дека ќе ги смени сите, со што ги омаловажил и нив и полициските раководители.
Дрското и непристојно однесување Шумуликоски го продолжил и по приведувањето во полициската станица, па пијаниот фудбалер се заканил дека за 100 илјади евра со само со еден телефонски разговор ќе ги сменел од нивните работни места.
Шумуликоски добил прекршочна пријава, а ќе добие и уште една поради одбивањето да биде алкотестиран.
